Flèche bas Flèche haut

Liens utiles

Nantu à a tela corsa : U ritornu di I Storti !

A sucità di pruduzzioni corsa « Pastaprod », in altru prudutrici di « Hôtel Parad’Isula », chì vò pudeti veda sempri nantu à Via Stella, hè in traccia di rissorta nantu à u so contu Youtube l’episodii di una seria di medimitrami, girati trà u 1995 è u 1997, da a squadra di u Teatrinu. « I Storti » hè statu un beddu deliriu, cumpletamenti scumplessatu, è chì vi rimanda à un’epica duva a televisioni corsa cumminciaia à sorta appena di u so visu unicamenti infurmativu.

Più di quindeci anni fà, a squadra di U Teatrinu, cumposta di cumediani, pà a piuparti avà ben cunnisciuti, surtiani una seria di medimetrami umoristichi, cumpletamenti scalati. Hè stata dinù l’epica di i primi passi di  Tzek è Pidò à a televisiò.

Diffusatu nantu à France 3 Corsica à partesi da Dicembri di u 1995, « I Storti » hè statu assai bè ricevutu da a critica pupulari corsa. Duranti trè anni, Guy Cimino, Daniel Parigi (sparitu assai ghjovanu) è Dumè Gambini ani scrittu è missi in scena sei episodii, tanti più tonti l’unu cà l’altru, fatti di sketchs attempu in corsu, attempu in francesi. A macagna ci fù impiecata senza ritinuta, nè paura di u buffu, è ghjè què chì hà fattu di « I Storti » un’emissioni divertenti, drentu à a quali i telespettatori corsi si pudiani ritruvà.

Attualità pulitica, ballò, sucetà, tuttu ci hè passatu. Sei episodii di cinquanta minuti ognunu, u primu chjamendusi « Pourvu que les caoutchoucs tiennent ! », drenti i quali i cumediani si lampani nè parechji situazioni, da i falsi pubblicità pà una marca di capoti inglesi corsi, à una parudia di u Ghjurnali Televisatu, cù imitazioni di i prisentatori, cum’è Jacques Bastianesi (intarpritatu da Daniel Parigi). I pulitichi sò dinù piddati in derisioni, u tuttu cù una libertà di scrittura tutali, è un spiritu burlescu.

Eccu i dui primi episodii :

Episodiu 1 : “Pourvu que les caoutchoucs tiennent ! »http://www.youtube.com/watch?v=iDSuvzy1Di0&feature=g-u-u

Episodiu 2 : « Pourvu que les caoutchoucs tiennent, dans l’espace ! » http://www.youtube.com/watch?v=xbtdcB6Zvh0&feature=relmfu

                                                                                                                            Liviu CASTEL

Écrire commentaire

Commentaires : 2
  • #1

    de sède jean marc (vendredi, 13 juillet 2012 23:12)

    per fàcci una risada

  • #2

    Daussat (mardi, 30 octobre 2012 13:50)

    je crois reconnaître le maire de Pero Casevecchie